A Partnership for Green Development

ການດຶ່ມຊາ ມື້ລະຈອກ ເຮັດໃຫ້ທ່ານ ມີສຸຂະພາບດີ

ຍອດຊາ ຈາກຕົ້ນຊາ 400 ປີ ແຂວງຜົ້ງສາລີ.

ແຂວງຜົ້ງສາລີ ແມ່ນອ້ອມລ້ອມໄປດ້ວຍສວນຊາ ແລະ ຊາຂຽວຂອງແຂວງຜົ້ງສາລີ ແມ່ນເປັນທີ່ຮູ້ຈັກກັນດີ ວ່າເປັນຊາທີ່ມີຄຸນນະພາບສູງ ແລະ ລົດຊາດດີ, ແຕ່ພິເສດທີ່ສຸດກໍ່ແມ່ນ ຊາຈາກ ຕົ້ນຊາ 400 ປີ.

ສວນຕົ້ນຊາ 400 ປີ ແມ່ນຢູ່ຮ່າງອອກໄປປະມານ 18 ກິໂລແມັດ ຢູ່ບ້ານ ກໍແມນ, ແຂວງຜົ້ງສາລີ, ເຊິ່ງເກີດຂື້ນເປັນເວລາກ່ວາ 400 ປີແລ້ວ, ເຊິ່ງອິງຕາມ ນັກຊ່ຽວຊານ ດ້ານຊາ ຈໍານວນໜຶ່ງ ກ່າວວ່າ ເປັນຕົ້ນຊາທີ່ເກົ່າແກ່ທີ່ສຸດໃນໂລກ.

ໃນລະດູການເກັບກ່ຽວ, ທ່ານສາມາດເຫັນ ຊົນເຜົ່າຜູ້ນ້ອຍ ປີນຢູ່ເທິງຕົ້ນຊາ 400 ປີນີ້, ເຊິ່ງມີຄວາມສູງເຖິງ 6 ແມັດ, ເພື່ອເກັບໃບຊາທີ່ມີຄຸນຄ່ານີ້, ແລະ ຍອດຊາທີ່ຫາຍາກດັ່ງກ່າວ ຈະຖືກຍັດໃສ່ ໃນບັ້ງໄມ້ໄຜ່ ເພື່ອເຮັດໃຫ້ເປັນຮູບຊົງທໍ່ ແລະ ມັດດ້ວຍໄມ້ຕອກ ເພື່ອຂາຍ.

ສວນຊາ 400 ປີນີ້ ແມ່ນເກີດຢູ່ຕາມທໍາມະຊາດ ແລະ ບໍ່ເຄືຍສໍາພັດກັບ ສານເຄມີ ແລະ ປຸຍ, ມັນເປັນຊາອິນຊີ.

ສັບພະຄຸນ: ການດຶ່ມຊາ ມື້ລະຈອກ ຈະເຮັດໃຫ້ ຮ່າງກາຍຂອງທ່ານ ມີສຸຂະພາບທີ່ດີ, ລົດຄວາມດັນໃນເລືອດ, ລົດໄຂມັນ, ຊ່ວຍຈະເລີນອາຫານ ແລະ ເຮັດໃຫ້ທ່ານຮູ້ສຶກສົດຊື່ນ.